ETXEA NAHI ZUEN ELEFANTEA

MUXU EDER BAT.

Amona Josefina erdi lotan dago. Bere biloba Joseba lurrean ari da jolasean. Beste jostailu bat nahi du eta amonarengana doa.

JOSEBA: Amona, mesedez, emango al didazu kamioia?
AMONA: Bai polit hori, oraintxe emango dizut. Ez egin zarata handirik lo kuluxka bat egitera noa eta.

Amona esertzera doa ea loak hartzen duen, baina berehala Joseba azaldu zaio.

JOSEBA: Amona, mesedez, emango al didazu baloia?
AMONA: Bai polit hori, oraintxe emango dizut. Ez egin zarata handirik lo kuluxka bat egitera noa eta.

Amona egongelara doa berriro baina bere biloba Joseba bihurria da eta amona esnatzera doa berriz.

JOSEBA: Amona, mesedez, emango al didazu muxu bat?
AMONA: Bai noski. Zatoz maitea, besarkada handi bat emango dizut.