PINPOX

TIP-TIPI-TAP, EHUNZANGOA
TIP-TIPI-TAP, BEGIRA HOR DOA!

BEGIRA ZE EHUNZANGO POLITA EGIN DUGUN DENON ARTEAN!

 PINPOX DA.

 

PASILUKO HORMAN JARRI DUGU ETA TXAPELA, BETAURREKOAK ETA KORBATA JOLAS BATEN BIDEZ JANTZI DIZKIOGU. BATZUK AGINDUAK EMAN ETA BESTEAK, BEGIAK ESTALITA, AGINDUEI JARRAITUZ (AURRERA, ESKUBIRA, GORA, .........................)

BEGIRA!

HANDITZEN ARI GARA

Gelan askotan eztabaida txikiak izaten ditugu:

• Ni zu baino handiagoa naiz.
• Ez, ni handiagoa naiz.
• Begira, ikusi!
• Bai, baina ni ere handia naiz.

Batzuetan haserretu egiten gara, triste jartzen gara eta azkenean esaten dugu:

DENOK HANDITZEN ARI GARA!

JOLASAK

TALDEAN JOLASTUZ OSO ONDO PASATZEN DUGU. HONA HEMEN  HORIETAKO JOLAS BATZUK:

BESARKADA MUSIKALA

MUSIKAREKIN BATERA DANTZAN HASTEN GARA 

ETA MUSIKA GELDITZEN DENEAN, LAGUN BAT BESARKATU BEHAR DUGU.

ETA BUKAERAN,  BESARKADA ERRALDOIA !!!!!!!!!!!

MARI TXIPI

KALEAN NINDOALA

MARI TXIPI IKUSI NUEN

ETA ERAKUTSI ZIDAN

MARI TXIPI DANTZATZEN.

DANTZA TXIPI TXIPI

DANTZA TXIPI TXO

DANTZA TXIPI TXIPI

BAINA DANTZATU ONDO.

PING PONG PILOTA

NI PING PONG PILOTA NAIZ

ETA SALTO SALTO SALTO 

SALTOKA ARI NAIZ,

UKITZEN BAZAITUT

SALTO EGIN (E)ZAZU.

ELURRA MARA-MARA

GAUR GOIZEAN BERASTEGI ZURI-ZURI ESNATU DA. ELURRA EGIN DU GAUEAN!

EGUNERO BEZALA ESKOLARA ETORRI GARA ETA DENOK ELKARTU ONDOREN PARKETIK ELURRA HARTU DUGU:

 ONDOREN IKUTU EGIN DUGU. HOTZ-HOTZA ZEGOEN!

SEGIDAN, ELURRA BEROGAILUAREN GAINEAN JARRI DUGU ETA BA AL DAKIZUE ZE GERTATU DEN?

URTU EGIN DELA!!!!

KONTU KONTARI

AURTEN HAUR HEZKUNTZAN IPUIN KONTAKETA SAIO BEREZIAK EGITEN HASI GARA.
HIRUHILABETE BAKOITZEAN BI SAIO BURUTUKO DITUGU.
AZAROAREN 28AN, DATORREN OSTIRALEAN IZANGO DUGU BIGARRENA.
HORRETARAKO, ESKOLAKO SARRERA NAGUSIAN, ESKAINTZEN DIREN HIRU IPUINEN IRAGARKI-TAULA JARRI OHI DA, IKASLEAK ASTEAN ZEHAR IPUINETAKO BAT AUKERATZEN JOATEKO.
EGUNEAN BERTAN, SAIOA HASI AURRETIK, IKASLEAK AUKERATUTAKO IPUINAREN ARABERA HIRU TALDETAN BANATU ETA DAGOKIEN ESPAZIORA JOATEN DIRA IPUINA ENTZUTERA.

UDAZKENA

UDAZKENA GAIA LANDU DUGU ETA ARBOLA EGIN DUGU DENON ARTEAN: ARRABOLA ETA TENPERAREKIN MARGOTU, HOSTOAK ARGIZARIZKO MARGOEKIN MARGOTU, MOZTU ETA ARBOLAN ITSATSI, IRTEERAN BILDUTAKO HOSTOAK ERE ITSATSI ETA ......

 

HAIZEAK UDAZKENEAN  FUFU,

HOSTOAK, FIRAN-FARAN

GOITIK BEHERA DANTZAN.

TAN-TANA

IKASKUNTZA KOOPERATIBOAREN BARRUAN, TALDE KOHESIOA LORTZEKO TAN-TANA JARRI DUGU MARTXAN, BAI GELAN KANTATZEKO ETA BAITA TXANDAKA OSTIRALETAN  IKASLE BATEK ETXERA ERAMATEKO ASTEBUKAERA PASA.

ABESTIA:     

•  TAN TAN, TAN  TAN
• NOR DA, NOR DA?
• BERASTEGIKO (IZENA), ZABAL ATEA (LEIHOA)